हेटौँडाः मकवानपुर जिल्ला लिग फुटबलको फाइनल खेल आगामी शनिबार हुने भएको छ । मकवानपुर जिल्ला फुटबल संघले मंगलबार साँझ फाइनल खेलको मिति तय गरेको हो ।
यसअघि गत शनिबार फाइनल खेलको तालिका भए पनि भारी वर्षासँगै ठूलो जनधनको क्षतिको स्थिति देखिएपछि फाइनल खेल स्थगित गरिएको थियो ।
जिल्ला लिग फुटबलको फाइनल खेल पदमपोखरी युथ क्लब र सहिद स्मृति क्लबबीच हुनेछ । फाइनल खेल हेटौँडा–५ स्थित पिप्ले–क्याम्पा रंगशालामा हुनेछ ।
