हेटौंडाः दशैंका लागि बिदा भएका सरकारी कार्यालय आज शुक्रबारदेखि देखि खुलेको छ । ६ दिने दशैं बिदा सकिएसँगै आजबाट कार्यालय खुलेको हो ।
दशैंका अवसरमा फुलपातिदेखि द्वादशीसम्म ६ दिन सार्वजनिक विदा रहेको थियो । आजदेखि सबै सरकारी कार्यालय लगायत बैंक तथा वित्तीय संस्थाहरु खुला रहेको छ । सरकारी कार्यालय खुलेता पनि सेवा ग्राही भने खासै देखिदैन । दशैं विदा सकिएसँगै विभिन्न जिल्ला तथा गाउँबाट कर्मथलो फर्कनेहरुको संख्या बढेको छ । दशैंमा घर गएकाहरु फर्कनेको संख्या बढ्न थालेसँगै बसपार्कमा भिडभाड बढेको छ । हेटौंडाबाट काठमाडौं जानेको संख्या बढेसँगै सुमोको अभाव भएको छ । मानिस डबल भाडा तिरेर जान बाध्य भएता पनि सुमो नपाएर अलपत्र परेका छन ।
