हेटौंडाः नुवाकोट जिल्लाको बेलकोटगढी नगरपालिका–७, बुद्धसिङघाटमा बसले मोटरसाइकललाई ठक्कर दिँदा एक जनाको मृत्यु भएको छ । मृत्यु हुनेमा मोटरसाइकलमा सवार ५० वर्षीया साबित्रा अधिकारी रहेको प्रदेश प्रहरी कार्यालय हेटौंडाले जानकारी दिएको छ ।
बिहीबार बिहान ११ बजेर ४५ मिनेटको समयमा त्रिशुलीबाट काठमाण्डौ जादै गरेको बा ४ ख ५७९३ नम्बरको बसले तारुकाबाट बिदुर आउदै गरेको बा प्र ०३–००४ प ९२१५ नम्बरको मोटरसाइकललाई ठक्कर दिँदा मोटरसाइकलका चालक २३ वर्षीय अर्जुन अधिकारी र साबित्रा दुवै गम्भिर घाईते भइएका थिए । घाइते दु्वैलाई उपचारको लागि जिल्ला अस्पताल लगिएकोमा साबित्राको उपचारको क्रममा मृत्यु भएको थियो । घाइते अर्जुनलाई थप उपचारको लागी ट्रमा सेन्टर काठमाण्डौ रिफर गरेको प्रहरीले जानकारी दिएको छ । बस चालकलाई प्रहरीले नियंत्रणमा लिएको छ ।
