हेटौंडाः मकवानपुरको मनहरी गाउँपालिकामा फेरी पनि जङगली हात्तीले क्षति पुर्याएको छ । बुधबार बिहान २ बजेर १५ मिनेटको समयमा मनहरी गाउँपालिका–६ नयाँबस्तिमा जङ्गली हात्तीले ३ वटा घरमा क्षति गरेको जिल्ला प्रहरी कार्यालय मकवानपुरले जनाएको छ ।
जङगली हात्तीले स्थानीय बुद्धि राईको ब्लकले बनेको जस्ताले छाएको एक तले घरको एक भित्ता भत्काएको, नारायण श्रेष्ठको सटरमा क्षति पुर्याएको छ भने मंगल सिंह थिङको भान्सामा राखेको १ बोरा धान र १ बोरा चामल खाएको प्रहरीले जानकारी दिएको छ । जङ्गली हात्तीको आक्रमणबाट मानवीय क्षति भने नभएको प्रहरीले जनाएको छ । जङ्गली हात्तीले गएको हप्ता पनि २ वटा घर र १ वटा गोठमा क्षति पुर्याएको थियो ।
