हेटौंडाः मकवानपुरको मनहरी गाउँपालिका–९, खरङ्गाबाट प्रहरीले लागुऔषध गाँजासहित २ जनालाई पक्राउ गरेको छ । पक्राउ पर्नेमा सोही स्थानका ५० वर्षीय सोम बहादुर घलान र रौतहट जिल्लाको चन्द्रपुर नगरपालिका–१ का ४१ वर्षीय आशिष पाख्रिन रहेको बागमती प्रदेश प्रहरी कार्यालय हेटौँडाले जानकारी दिएको छ ।
मंगलबार बेलुका ७ बजेर ३० मिनेटको समयमा प्रहरी टोलीले घलान र पाख्रिनलाई सुरक्षाजाँच गर्दा पाख्रिनको साथबाट लागुऔषध गाँजा ५ किलो बरामद गरेको थियो । लागुऔषध गाँजासहित दुवै जनालाई नियन्त्रणमा लिई अनुसन्धानका लागि जिल्ला प्रहरी कार्यालय मकवानपुर लगिएको छ ।
