हेटौंडाः रक्तसञ्चार केन्द्र हेटौंडाको सहकार्यमा आगामी साता ३ वटा संस्थाले रक्तदान कार्यक्रमको आयोजना गर्ने भएका छन् । बिरामीलाई रगत अभाव हुन नदिन समयसमयमा विभिन्न संघसंस्थाले रक्तदान कार्यक्रम गर्ने गरेको रक्तसञ्चार केन्द्र हेटौंडाका प्राविधिक विष्णु रिमालले बताउनुभयो ।
आगामी भदौ १८ गते मुस्लिम समुदायको आयोजनामा हेटौंडाको बुद्धचोकमा रक्तदान कार्यक्रम आयोजना गर्न लागिएको रिमालले बाताउनुभयो । यस्तै, हेटौंडा जेसीजले हुप्रचौरमा २० गते र बकैया गाउँपालिकाको हातेमालो क्लबको आयोजनामा २५ गते गाउँपालिकामा रक्तदान कार्यक्रम हुने उहाँले बताउनुभयो ।
