हेटौंडाः हेटौंडा उपमहानगरपालिका टोल विकास संस्था नगर समन्वय समितिको तेस्रो साधारणसभा तथा अधिवेशन सुरु भएको छ । हेटौंडा उपमहानगरपालिकाकी मेयर मिनाकुमारी लामाको प्रमुख आतिथ्यता र टोल विकास संस्था नगर समन्वय समितिका अध्यक्ष ध्रुव प्रसाद अधिकारीको सभाध्यक्षतामा कार्यक्रम सुरु भएको हो ।
कार्यक्रममा समितिका अध्यक्ष ध्रुव प्रसाद अधिकारीले ४ वर्षे कार्यकालको प्रतिवेदन प्रस्तुत गर्नु भएको छ । कार्यक्रममा हेटौंडा उपमहानगरपालिकाका उपमेयर राजेश बानियाँ, वडा अध्यक्षहरु र नगर क्षेत्रका टोल विकास संस्थाका अध्यक्ष र सदस्यहरुको उपस्थिति रहेको छ ।
