आज छैठौं अन्तर्राष्ट्रिय योग दिवस । वैदिक विधिअनुसार योगाभ्यासले व्यक्तिको मानसिक एवम् शारीरिक स्वास्थ्यमा सकारात्मक लाभ हुने पुष्टि समेत गरेको छ । मकवानपुर जिल्लामा पनि पछिल्लो समय योगको अभ्यासलाई विस्तार गर्ने कार्य भइरहेको छ । पतञ्जली योग जिल्ला समितिले योगको अभ्यासलाई व्यापक बनाउने प्रयास गरिरहेको छ । आज अन्तर्राष्ट्रिय योग दिवसको अवसरमा पतञ्जली योग जिल्ला समिति मकवानपुरका अध्यक्ष रामकृष्ण थापासँग समाज संवाददाता सुसन लामिछानेले गर्नुभएको कुराकानीः
पतञ्जली योग जिल्ला समिति मकवानपुर
योग दिवसको अवसरमा के कस्ता कार्यक्रमहरु गर्दै हुनुहुन्छ ?
थापाः आज छैठौं अन्तर्राष्ट्रिय योग दिवस जुन २१ । दिवसको हामीले सप्ताहव्यापी कार्यक्रम तय गरेका थियौं । हामीले असार १ गते अन्तर्राष्ट्रिय योग दिवसको महत्व, संयुक्त राष्ट्र संघले यो दिवसलाई मान्यता किन दियो भन्ने बारे छलफल गरेका थियौं । दोस्रो दिन घरघरमा परिवारका सदस्यहरुबीच योग र आयुर्वेदको चर्चा गरेर झाडापखाला लाग्दा के–कस्ता घरेलु औषधी प्रयोग गर्नहुन्थ्योे यसमा चर्चा भयो । तेस्रो र चौथो दिनमा विद्वानहरुसँग अहिलेको जिवनशैलीमा आहार विहार, जिवनशैली, डिप्रेशसन, आत्महत्या, धैर्य गर्न नसक्नु लगायतका बारेमा अनलाइनबाटै छलफल ग¥यौं । यस्तै शनिबार छैठौं दिनमा रक्तदान कार्यक्रमको आयोजना भएको थियो जसमा २० जनाले रक्तदान गर्नुभयो । शनिबार नै योग, हवन, गर्दा वायुमण्डलमा के फरक हुन्छ भन्नेबारे चर्चा भयो । यस्तै आज बागमती प्रदेशका मुख्यमन्त्री डोरमणि पौडेलले शुभकामना दिएर अनलाइनमा भिडियो मार्फत योगको चर्चा गरेर मनाउने तयारी छ ।
योगको के कस्ता महत्व छन् ?
थापाः अहिलेको २१ औं शताब्दीमा मानिसहरु रोग निको नभएपछि, थलिएपछि बल्ल योग, आयूर्वेद औषधी प्रयोग गर्ने चासो दिने गर्छन् । अहिलेका नयाँ युवाले योगबाट धेरै रोगहरु निको हुनेरहेछ भनेर अध्ययनमा पनि लागेका छन् । आयूर्वेद, कविराजतर्फ हिजो आयूर्वेदका बारेमा नसुनेका व्यक्तिहरु पनि अध्ययन गर्न थालेका छन् । डिप्रेसन, पाठेघरका, सुगर र नसाका बिरामीहरुलाई योग गर्दा धेरै फाइदा पुगेको छ । यसकारण यसका योगको महत्व निकै छ ।
योगप्रति आम मानिसका धारणा कस्तो पाउनुभएको छ ?
थापाः योग अहिले प्रयोग नै भएको छैन भनेर एउटा वर्गले यसलाई हेर्ने गरेको छ । व्यवहारमा प्रयोग भैसकेका यो ज्वरो आउँदा, पखाला लाग्दा यो औषधी प्रयोग गर्नुपर्छ भन्नेहरु पनि छन् । अहिले एन्टिवायोटिकको प्रयोग कम हुँदै गएको अवस्थामा यो आयूर्वेद र योगको प्रयोग बढ्दै गएको छ ।
योगको अभ्यासलाई आम नागरिकले सहजताका साथ आत्मसात गर्न के समस्या छन् ?
थापाः केही समस्या छैन । बिहान सूर्योदय हुनुभन्दा पहिले गर्नुपर्छ । बिहान उठेर आउँदा हाम्रो मकवानपुरमा जिल्लाम ३५ वटा योग सेन्टरबाट डेढदेखि २ घण्टा योग शिविर निशुल्क हुन्छ ।
योगको नियमित अभ्यास गर्नेहरुको प्रतिक्रिया कस्तो पाउनुभएको छ ?
थापाः गत वर्ष डेंगु लाग्नेहरुको तुलनामा नियमित योग गर्ने योगीहरुलाई डेंगु नै लागेन भन्ने पनि पाएँ । रगतमा प्लेटलेट्सको मात्रा नघट्ने प्रतिक्रिया आएका छन् । अन्य सामान्य मान्छेमा भन्दा बढी फुर्तिलोपना, जोश, जाँगर हुने पाइएको छ ।
आम मानिसलाई योगका बारेमा के भन्न चाहनुहुन्छ ?
थापाः हामीजस्तो गरिब मुलुकलाई योग अत्यन्त सहज र सर्वसुलभ छ । यसमा विश्वास गरेर अगाडि बढ्नुपर्छ । पैसा खर्च हुँदैन । खानपान, आहार र भोजनमा नै हामी स्वस्थ हुन सक्छौं । सबैले योग गरौं स्वास्थ्य रहौं । कोरोनामाथि विजय हौं । भन्दै अन्तर्राष्ट्रिय योग दिवसको अवसरमा सम्पूर्णलाई शुभकामना व्यक्त गर्न चाहन्छु ।
