हेटौंडा, ६ बैशाखः भीमफेदी गाउँपालिकामा हिजो र्यापिड डाइग्नोस्टिक टेस्ट (आरडीटी) गरिएको छ । विदेशबाट आएका २० जनाको आरडीटी रिपोर्ट नेगेटिभ आएको भीमफेदी गाउँपालिकाकी उपाध्यक्ष पार्वती रानाले जानकारी दिनुभयो ।
गाउँपालिकामा उपलब्ध भएको २० वटा किट सबै प्रयोग भएको हो । विदेशबाट जम्मा २३ जना रहेको र ३ जनाको अझै टेस्ट गर्न बाँकी रहेकोले छिट्टै किट ल्याएर परिक्षण गरिने उपाध्यक्ष रानाले बताउनुभयो । गाउँपालिकाले विदेशबाट आएकाको घरघरमै पुगेर टेस्ट गरेको हो ।
