हेटौंडाः जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक (डीएसपी) ईन्द्रबहादुर राना सरुवा हुनुभएको छ । डीएसपी रानालाई इलाका प्रहरी कार्यालय, रत्ननगर चितवन सरुवा गरिएको हो ।
बागमती प्रदेश प्रहरी कार्यालय हेटौंडाको गम्भीर अपराध महाशाखामा कार्यरत प्रहरी नायब उपरीक्षक जयश्वर रिमाललाई जिल्ला प्रहरी कार्यालय मकवानपुरमा सरुवा गरिएको छ । अब डीएसपी रानाको ठाउँमा डीएसपी रिमाल सरुवा भई आउने भएका हुन् ।
नेपाल प्रहरीले ११ जना प्रहरी उपरीक्षक (एसपी) र १८ जना प्रहरी नायब उपरीक्षक (डीएसपी) को सरुवा गरेको छ । प्रहरी प्रधान कार्यालय, मानव स्रोत एवम् प्रशासन विभागले सार्वजनिक गरेको सरुवा सूचीअनुसार मकवानपुरका डीएसपी रानासहित १८ जना डीएसपी र ११ जना एसपीलाई सरुवा गरेको जनाइएको छ ।
