हेटौंडाः जेसीआई हेटौंडा लेडीको अध्यक्षमा प्रतिमा श्रेष्ठ पदस्थापित हुनुभएको छ । शनिबार पदस्थापन समारोहको आयोजना गरी वर्ष २०२१ का लागि प्रतिमा श्रेष्ठ नेतृत्वको नयाँ समिति पदस्थापित भएको हो । जेसीआई हेटौंडा लेडीको वर्ष २०२० की अध्यक्ष सुशीला पौडेलको अध्यक्षता तथा राष्ट्रिय समावेशी आयोगकी कार्यवाहक अध्यक्ष विष्णु ओझाको प्रमुख आतिथ्यमा पदस्थापन समारोह भएको हो ।
श्रेष्ठले आफू नेतृत्वको समितिमा सजिता केसीलाई महासचिव, अदिती पौडेललाई सचिव, जानकी सुवेदीलाई कोषाध्यक्ष, मेनका श्रेष्ठलाई कानुनी सल्लाहकार, सजिता नेपाललाई सहसचिवमा तथा शाखा सम्पादकमा सहनशीला ढकाललाई नियुक्त गर्नुभएको छ ।
