हेटौंडाः हेटौंडा–८ कमानेका २४ वर्षीय कृष्ण मोक्तान भिमफेदी गाउँपालिका वडा नम्बर ८ ईपाको गंगटे जंगलमा ५ सय मिटर तल खोल्सामा मृत अवस्थामा फेला परेको छ ।
शुक्रबार दिउँसो ४ बजेको समय मोक्तान मृत अवस्थामा रहेको भन्ने खबर प्राप्त हुनासाथ जिल्ला प्रहरी कार्यालय मकवानपुरबाट प्रहरी निरीक्षकको कमाण्डमा टोली खटेर ५ बजेर ३० मिनेटको समयमा घटनास्थलमा पुगी हेर्दा मोक्तान मृत अवस्थामा रहेको प्रहरीले जनाएको छ ।
घटनास्थल हेर्दा मोक्तान भिरबाट लडेर मृत्यु भएको जस्तो देखिएको जिल्ला प्रहरी कार्यालय मकवानपुरका प्रहरी प्रवक्ता टेक बहादुर कार्कीले बताउनुभयो । शवको मुचुल्का तथा अनुसन्धान कार्य भइरहेको प्रवक्ता कार्कीले बताउनुभयो ।
