हेटौंडाः हेटौंडा–५, पिप्लेमा निर्माणाधीन बहुउपयोगी कभर्ड हल निर्माणका लागि आज पनि ३५ हजार रुपैयाँ सहयोग रकम प्राप्त भएको छ । मनकामना केवलकारका सञ्चालक, ईन्जिनियर दिल्लीनारायण कायस्थबाट नगद २५ हजार रुपैयाँ र बैंकिङ क्षेत्रमा आबद्ध माया श्रेष्ठ (कायस्थ) बाट नगद १० हजार रुपैयाँ सहयोग रकम प्राप्त भएको पिप्ले युवा क्लबका अध्यक्ष सुशील घिमिरेले जानकारी दिनुभयो ।
सहयोगी दिल्लीनारायण र माया दम्पत्ति हुन् । पिप्ले युवा क्लबले निर्माण गरिरहेको कभर्ड हलका लागि दैनिकजसो सहयोग प्राप्त भइरहेको छ । पिप्लेमा निर्माणाधीन बहुउपयोगी कभर्ड हलको निर्माण कार्य अन्तिम चरणमा पुगेको पिप्ले युवा क्लबका अध्यक्ष सुशील घिमिरेले जानकारी दिनुभयो ।
