हेटौंडाः जेसीआई बसामाडीले जेसीज सप्ताह पर्सी आइतबारदेखि आयोजना गर्ने भएको छ । जेसीज सप्ताहमा सर्वसाधारणलाई मास्क वितरण गर्ने, वृद्धाश्रम र अनाथाश्रममा सहयोग गर्ने जनाइएको छ । आज हेटौंडामा पत्रकार सम्मेलन गरेर जेसीज सप्ताहबारे जानकारी गराइएको थियो ।
युवालाई सामाजिक सेवाको क्षेत्रमा सहभागी गराउन जेसीजले हरेक वर्ष आयोजना गर्ने सप्ताहव्यापी कार्यक्रम महत्वपूर्ण हुने उल्लेख गर्नुहुँदै जेसीआई बसामाडीका अध्यक्ष विवेक बजगाईले कोरोना भाइरसको संक्रमणको जोखिमका बाबजुद सुरक्षा सतर्कता अपनाएर जेसीज सप्ताहको आयोजना गरिएको बताउनुभयो । जेसीज सप्ताहका विविध कार्यक्रम आयोजना गर्न संयोजकहरु तोकिएको छ भने मूल कार्यक्रम संयोजक कार्यकारिणी उपाध्यक्ष गौतम केसी रहनुभएको छ ।
