हेटौंडाः मकवानपुर प्रहरीले लागूऔषध सहित पिकअप गाडि र चालक सुरेश नेपाललाई पक्राउ गरेको छ । बिहीबार इलाका प्रहरी कार्यालय पशुपतीनगरबाट खटिएको प्रहरीको टोलीले हेटौंडा–१५ लच्का स्थित पूर्व पश्चिम लोकमार्गको सडक खण्डबाट लागूऔषध लुकाई छिपाई ल्याउदै गरेको पिकअप गाडि सहित हेटौंडा–१५ का सुरेश नेपाललाई पक्राउ गरेको हो ।
ग.१ च २८१७ नम्बरको भुसा लोड गरी आएको पिकअप गाडीलाई रोकी सुरक्षाजाँँच गर्ने क्रममा प्रहरीले उक्त गाडीबाट लागुऔषध डाईजेपाम १९३ एेम्पुल, नुर्फिन २०३ ऐम्पुल र फेनारगन १८५ एेम्पुल फेला पारेको थियो । उनीमाथि लागूऔषध ओसारपसार मुद्धा दायर गरी थप अनुसन्धान भैरहेको जिल्ला प्रहरी कार्यालय मकवानपुरका प्रहरी प्रवक्ता इन्द्र बहादुर रानाले जानकारी दिनुभयो ।
