हेटौंडाः लकडाउनको अवधिमा मकवानपुरका कतिपय संस्थागत विद्यालयका शिक्षक, कर्मचारीले तलब सुविधा नपाएको भन्दै संस्थागत विद्यालयका शिक्षकहरु आज हेटौंडामा सडकमा प्रदर्शनमा उत्रिएका छन् ।
संस्थागत विद्यालय शिक्षक यूनियन (इस्टु) को अगुवाईमा संस्थागत विद्यालयका शिक्षकहरुले प्लेकार्ड बोकेर हेटौंडा बजार क्षेत्रमा प्रदर्शन गरेका छन् । विद्यालय सञ्चालन नभए पनि सञ्चित रकमबाट भए पनि शिक्षक, कर्मचारीको तलब सुविधा उपलब्ध गराउनुपर्ने इस्टुले माग गरेको छ ।
