हेटौंडाः धादिङ जिल्लाको गजुरी गाउँपालिका–५, घाटबेशीमा बालक मृत फेला परेका छन् । मृत फेला पर्नेमा १५ वर्षीय युनिक सुवेदी रहेको बागमती प्रदेश प्रहरी कार्यालय हेटौंडाले जानकारी दिएको छ ।
शनिबार दिउँसो २ बजेको समयमा १२ वर्षीय रिदम रोइला र सुवेदी घरबाट आफूूखुसी हिँडेका थिए । अबेरसम्म घर नआएपछि खोजतलास गर्दै जाँदा आइतबार दिउँसो १ बजेको समयमा गजुरी–५, घाटवेशीस्थित त्रिशुली नदीको किनारमा दुबै जनाको कपडा र चप्पल फेला परेपश्चात् खोजतलास गर्दै जाँदा सुवेदी त्रिशुली नदीमा मृत अवस्थामा फेला परेको र रोइलाको खोजी कार्य भइरहेको प्रहरीले जानकारी दिएको छ ।
