हेटौंडाः मकवानपुरको मनहरी गाउँपालिकामा एक जना वेवारिसे अवस्थामा मृत फेला परेका छन् । सोमबार दिउँसो १२ बजे मनहरी–९, रजैयास्थित चौधमाइल कालिका सामुदायिक वनमा एक जना करिब ४१ वर्षीय पुरुष मृत फेला परेको हो ।
मृत फेला परेका पुरुषको हालसम्म सनाखत भइनसकेको जिल्ला प्रहरी कार्यालय मकवानपुरका प्रहरी प्रवक्ता लक्ष्मी भण्डारीले बताउनुभयो । मृत पुरुषको शव मुचुल्का पश्चात पोष्टमार्टमका लागि हेटौंडा अस्पतालमा ल्याएर थप अनुसन्धान गरिरहेको उहाँले बताउनुभयो ।
