हेटौँडाः जुत्ता–चप्पल व्यवसायी संघ मकवानपुरको चौथो स्थापना दिवसको अवसरमा विद्यार्थीलाई न्यानो कपडा वितरण गरिएको छ । संघले बिहिबार मकवानपुरको बकैया गाउँपालिका–३ स्थित बालहित प्राथमिक विद्यालयका विद्यार्थीलाई न्यानोकपडा वितरण गरेको हो ।
विद्यालय व्यवस्थापन समितिका अध्यक्ष कमल बहादुर बिकको अध्यक्षता तथा बकैया– ३ का पूर्व वडा अध्यक्ष दिल बहादुर वम्जनको प्रमुख आतिथ्य तथा जुत्ता चप्पल व्यवसायी संघ मकवानपुरका अध्यक्ष रामहरि तिमल्सिनाको विशेष आतिथ्यमा ६० जना विद्यार्थीलाई न्यानो कपडा वितरण गरिएको हो । कार्यक्रममा बकैया–३ का वडा सदस्य हर्ष बहादुर बल, विद्यालयका प्रधानाध्यापक शारदा फुयालको पनि उपस्थिति रहेको थियो ।
