हेटौंडाः लायन्स क्लब अफ मकवानपुरको हेडओभर टेक ओभर कार्यक्रम अन्र्तगत हेडम्बाको नयाँ कार्यसमिति चयन भएको छ । कार्यसमितिले लायन्सका पहिलो महिला नेतृत्वको रुपमा समाजसेवी तथा राजनितीज्ञ रमिला घलानलाई अध्यक्षमा चयन गरेको हो ।
लायन्स क्लब अफ मकवानपुर हेडम्बाका निवर्तमान अध्यक्ष सुधीर दाहालको अध्याक्षतामा भएको कार्यक्रमले घलानलाई नेतृत्वमा चयन गरेको हो । दाहालले देश कोभिडको विकराल रुप लिएको अवस्थामा आफू स्वास्थ्यकर्मी रहेकोले सचेतना कार्यक्रम गरिए पनि जति योग्य हुनुपर्ने त्यो हुन नसकेको बताउनुभयो । आफूले योजना बनाएका अपुरा कामलाई निरन्तरता साथै थप कार्यक्रम नयाँ कार्यसमितिले सफलता पूर्वक गर्नेमा आफू विश्वास्त रहेको बताउनुभयो ।
निवर्तमान डिस्ट्रिक गभर्नर शम्भु नकर्मिको प्रमुख अतिथ्यतामा कार्यक्रम भएको थियो । हेडम्बाले समाजका लागि योग्यपूर्ण कार्य गरेको बताउनुभयो । आफूले सक्दो साथ र सहयोग गरिने प्रतिबद्धता सहित नयाँ कार्यसमितिले थप काम गरी हेडम्बालाई उच्च राखिने बताउनुभयो ।
कार्यक्रममा रजिना नकर्मि, सुपरराज जोशी, तासितुम्बाहाम्फे, विकेशलाल श्रेष्ठ, शिव बिडारी, निलम वैद्य, रबिन्द्र घिमिरे होमराज मगर, कविन संगामी, जेपी यादव लगायतको उपस्थिति रहेको थियो ।
