हेटौंडाः हेटौंडामा नगरकप महिला तथा पुरुष भलिबल प्रतियोगिताअन्तर्गतका खेलहरु जारी छन् । बिहीबार बिहान भएका खेलमा पुरुषतर्फ वडा नम्बर ११ ले १६ लाई र वडा नम्बर ६ ले ८ लाई पराजित गरेको छ । यस्तै महिलातर्फ वडा नम्बर १९ ले वडा नम्बर ६ लाई पराजित गरेको छ भने वडा नम्बर ९ ले २ नम्बर वडालाई पराजित गरेको छ ।
बुधबारदेखि सुरु भएको नगर कप महिला तथा पुरुष भलिबल प्रतियोगितामा महिलातर्फ १० वटा वडाको टिमले सहभागिता जनाएको छ भने पुरुषतर्फ १३ वटा वडाको टिम सहभागी छ । लिग कम नकआउटका आधारमा हेटौंडा–४, हुप्रचौरमा जारी प्रतियोगिता पर्सी शनिबारसम्म चल्नेछ ।
