किताब कापी लिई हेर सबै पढ्न गए
मलाई पनि जान मन लाग्यो विद्यालय ।
धेरै साथी धेरै शिक्षक आउने गर्छन् त्यहाँ
विद्या लिई ठुला हुन्छौँ पुगे पनि जहाँ ।
गुरुबा र गुरुआमा भन्छन् बन्नु ज्ञानी
असल भई पढेपछि विद्वान बन्छौँ हामी ।
ठुलाहरुले ज्ञान दिन्छन् सानाहरुले माया
ठूला बन्छौँ तब मात्रै जब छैन दायाँबायाँ ।
असल बन्छौँ हामी सधैँ गुरुको साथ पाए
मलाई धेरै प्यारो लाग्छ मेरो विद्यालय ।
