हेटौँडाः मकवानपुर जिल्लाको उत्तरीक्षेत्र ईन्द्रसरोवर गाउँपालिकामा प्रमुख प्रशासकीय अधिकृत फेरिएको छ । गाउँपालिकाका यसअघि प्रमुख प्रशासकीय अधिकृत प्रल्हाद कार्की भरतपुर महानगरपालिका सरुवा भएर जानुभएपछि रामेछाप जिल्लाको उमाकुण्ड गाउँपालिकाबाट सरुवा भएर प्रमुख प्रशासकीय अधिकृत रामचन्द्र लामा ईन्द्रसरोवर गाउँपालिका आउनुभएको हो ।
गाउँपालिकाका अध्यक्ष, उपाध्यक्षसहित जनप्रतिनिधि, कर्मचारीले प्रमुख प्रशासकीय अधिकृत लामालाई स्वागत गरेका थिए । कार्कीले २५ महिना ईन्द्रसरोवर गाउँपालिकाको प्रमुख प्रशासकीय अधिकृत भएर काम गर्नुभयो । लामा १५ महिना रामेछाप जिल्लाको उमाकुण्ठ गाउँपालिकामा काम गरेर ईन्द्ररोवर गाउँपालिका आउनुभएको हो । नवआगन्तुक प्रमुख प्रशासकीय अधिकृत लामाले जनप्रतिनिधि र सहकर्मी कर्मचारीको साथ र सहयोगमा उल्लेखनीय काम गर्ने बताउनुभएको छ । जिल्लाकै सानो भुगोल भएको गाउँपालिकाको समग्र विकासमा सक्दो राम्रो प्रयास गर्ने लामाको भनाइ छ ।
