हेटौँडाः सिन्धुली जिल्लाको मरिण गाउँपालिका–१, कार्तिकेमा भालुको आक्रमणबाट एक जना वृद्धको मृत्यु भएको छ । मृत्यु हुनेमा ७२ वर्षीय गोपिलाल घिसिङ रहेको बागमती प्रदेश प्रहरी कार्यालय हेटौँडाले जानकारी दिएको छ ।
बिहीबार छिमेकिको बाख्रा जंगली भालुले लगेकोले घिसिङसहित ८ जना बाख्रा खोज्न गएका थिए । बाख्रा खोज्ने क्रममा घिसिङलाई जंगली भालुले आक्रमण गर्दा गर्दनको हड्डि र हातको नाडि भाँचिन घटनास्थलमा नै मृत्यु भएको प्रहरीले जानकारी दिएको छ ।
