हेटौंडाः मकवानपुर प्रहरीले लागुऔषध खैरो हिरोइन जस्तो देखिने पदार्थसहित दुईजनालाई पक्राउ गरेको छ । पक्राउ पर्नेमा हेटौंडा–१६ चिसापानीका ३९ वर्षीय सुभाष लामिछाने र हेटौंडा ७ बस्ने २८ वर्षीय बिकेश गौतम रहेको जिल्ला प्रहरी कार्यालय मकवानपुरले जानकारी दिएको छ ।
शनिबार साँझ ७ बजेर ४५ मिनेटको समयमा प्रहरी टोलीले लामिछाने र गौतमलाई शंकास्पद अवस्थामा फेला पारी सुरक्षाजाँच गर्दा लामिछानेको साथबाट ३ सय ५० मिलि ग्राम लागुऔषध खैरो हिरोइन जस्तो देखिने धुलो पदार्थ फेला पारेको थियो । लागुऔषधसहित पक्राउ परेका लामिछाने र गौतमलाई जिल्ला प्रहरी कार्यालय मकवानपुरले नियन्त्रणमा लिई थप अनुसन्धान गरिरहेको जनाइएको छ ।
