हेटौंडाः भीमफेदीमा सुमो दुर्घटना हुँदा एक जनाको मृत्यु भएको छ । सुमो दुर्घटनामा परेर भीमफेदी गाउँपालिकाकी ८२ वर्षीया कान्छीमाया सिन्जाली मगरको मृत्यु भएको जिल्ला प्रहरी कार्यालय मकवानपुरले जनाएको छ ।
भीमफेदी गाउँपालिका वडा नं. ७ कोगटेबाट भीमफेदी बजारमा बृद्धभत्ता लिन आएको ना १ ज १९१४ नम्बरको सुमो फर्किने क्रममा कोगटेमै दुर्घटना भएको जनाइएको छ । दुर्घटनामा परेर सिन्जालीको घटनास्थलमै मृत्यु भएको प्रहरी प्रवक्ता प्रहरी नायब उपरिक्षक जयश्वर रिमालले जानकारी दिनुभयो ।
यस्तै अन्य २ गम्भिर घाइते भएका छन् भने ३ जना सामान्य घाइते भएका छन् ।
