हेटौँडाः सिन्धुली जिल्लाको बाह्रबिसे नगरपालिका–९, राम्चेमा अनियन्त्रित भई स्कुटर पल्टँदा घाइते भएका चालकको उपचारको क्रममा मृत्यु भएको छ । गत सोमबार राती ९ बजेर ५५ मिनेटको समयमा राम्चे स्थित भित्री सडकखण्डमा बाह्रबिसेबाट राम्चे तर्फ जाँदै गरेको बा प्र ०२–०२५ प ८०७९ नम्बरको स्कुटर अनियन्त्रित भई पल्टँदा २ जना घाइते भएको बागमती प्रदेश प्रहरी कार्यालय हेटौँडाले जानकारी दिएको छ ।
स्कुटर पल्टँदा चालक १५ वर्षीय रेहन तिमल्सिना र पछाडी सवार बलेफि गाउँपालिका–३, धुस्कोट घर भई हाल राम्चे बजार बस्ने १७ वर्षीय सन्दिप तामाङ घाइते भएका थिए । घाइते दुवैको बाह्रबिसे अस्पतालमा सामान्य उपचार पश्चात थप उपचारका लागि धुलिखेल अस्पताल काठमाडौ लगिएको थियो । उपचारको क्रममा चालक तिमल्सिनाको आइतबार दिउँसो १२ बजेर ५५ मिनेटको समयमा मृत्यु भएको प्रहरीले जानकरी दिएको छ । स्कुटरको पछाडी सवार तामाङको सोहि अस्पतालमा उपचार भईरहेको ।
