हेटौँडा ः मकवानपुरको मनहरी गाउँपालिका–६, नयाँबस्तीमा स्कूलबसले ठक्कर दिँदा २ वर्षीया शिशुको मृत्यु भएको छ । आइतबार दिउँसो ३ बजेर ४० मिनेटको समयमा मनहरी बजारबाट नयाँबस्तीतर्फ जाँदै गरेको मनहरी बिलिभर्स इंग्लिस बोर्डिङ स्कूलको ना १ क ९२५० नम्बरको बसले ठक्कर दिँदा २ वर्षीया पुजा थिङको मृत्यु भएको जिल्ला प्रहरी कार्यालय मकवानपुरले जनाएको छ ।
बसको ठक्करबाट गम्भीर घाइते भएकी थिङलाई उपचारका लागि हेटौँडा अस्पताल पुर्याइएको थियो । उपचारको क्रममा आइतबार साँझ ५ बजेर १० मिनेटको समयमा डाक्टरले मृत घोषणा गरिदिएको प्रहरीले जनाएको छ । प्रहरीले बस चालक मनहरी–७, बिजौनाका चन्द्र बहादुर तामाङलाई प्रहरीले नियन्त्रणमा लिएको छ ।
