हेटौँडाः रोटरी क्लब अफ मकवानपुरको अध्यक्षमा अनिल अग्रवाल पदस्थापित हुनुभएको छ । शुक्रबार हेटौँडामा एक समारोहका बीच अग्रवाललाई वर्ष २०२४/२५ का लागि अध्यक्ष पदमा पदस्थापन गरिएको हो ।
क्लबको वर्ष २०२३/२४ का अध्यक्ष अञ्जनी कुमार पराजुलीको अध्यक्षतामा पदस्थापन कार्यक्रम भएको हो । पदस्थापन पछि अध्यक्ष अग्रवालले हेटौँडामा जलनका विरामीलाई उपचार गर्ने अस्पताल स्थापना र सञ्चालनको योजना रहेको बताउनुभयो । हेटौँडा उपमहानगरपालिकाकी प्रमुख मीना कुमारी लामाको प्रमुख आतिथ्यमा भएको कार्यक्रममा हेटौँडा उपमहानगरपालिकाका उपप्रमुख राजेश बानियाँ, बागमती प्रदेश युवा परिषद्का कार्यकारी उपाध्यक्ष सन्तोष चौलागाई, रोटरी क्लब अफ हेटौँडाका अध्यक्ष प्रकाश ढकालको पनि आतिथ्य रहेको थियो । रोटरी क्लबको कार्यकाल १ वर्षको हुनेछ । रोटरी क्लब अफ मकवानपुरमा ४८ जना सदस्य छन् ।
आफ्नो कार्यकालमा सहयोगीलाई मायाको चिनो वितरण गर्नुहुँदै वर्ष २०२३/२४ का अध्यक्ष अञ्जनी कुमार पराजुलीले सचिव पवन तिमल्सिनालाई उत्कृष्ट सदस्यको रुपमा घोषणा गर्नुहुँदै ट्रफी प्रदान गर्नुभयो ।
