हेटौँडाः हेटौँडा–१८, रामधुनीबाट मकवानपुर प्रहरीले चोरीमा संलग्न एक जनालाई पक्राउ गरेको छ । पक्राउ पर्नेमा हेटौँडा–१८ बस्ने १७ वर्षीय नविन खतिवडा रहेको बागमती प्रदेश प्रहरी कार्यालय हेटौँडाले जानकारी दिएको छ ।
स्थानीय गोपी थापाको घरको झ्याल फुटाई कोठा भित्र रहेको दराजबाट नगद ३ लाख, १ तोला सुन, मोबाईल १ थान, हाते घडी २ थान चोरी भएको भनी उजुरी परे पश्चात खोजतलास गर्दै जाँदा खतिवडालाई हेटौँडा–१७ हटियाचोकबाट पक्राउ गरेको प्रहरीले जनाएको छ । प्रहरीले खतिवडाको साथबाट लागुऔषध नाइट्रोभेट ४५ ट्याब्लेट, नगद १६ हजार आठ सय रुपैयाँ, घडि १ थान, मोबाईल २ थान फेला परेको थियो । यस्तै खतिवडाको घरमा तलासी गर्दा प्रहरीले ६४ हजार ८ सय ६४ रुपैयाँ, धातुको औठी १ थान, धातुको टिका १ थान, चाँदीको औँठी १ थान र विभिन्न देशकोे डलर ७ थान बरामद गरेको छ । बरामद भएको सामानसहित खतिवडालाई नियन्त्रणमा लिई थप अनुसन्धानका लागि जिल्ला प्रहरी कार्यालय मकवानपुरको हिरासत कक्षमा राखिएको प्रहरी जानकारी दिएको छ ।
