हेटौंडा: मकवानपुरमा शनिबार एकजनामा कोरोना संक्रमण पुष्टि भएको छ । स्वास्थ्य कार्यालय मकवानपुरले दैनिकरुपमा सार्वजनिक गर्दै आएको विवरणअनुसार पछिल्लो २४ घण्टामा एन्टिजेन विधिबाट ५ जनाको परीक्षण गर्दा १ जनामा संक्रमण पुष्टि भएको जनाइएको छ ।
शनिबार सार्वजनिक बिदा भएकोले प्रयोगशालाबाट पीसीआर विविधबाट गरिने परीक्षणको रिपोर्ट नआएको जनाइएको छ । मकवानपुर जिल्लामा हाल सक्रिय संक्रमितको संख्या ८६ जना रहेका छन् । जसमध्ये होम आइसोलेसनमा ८४ जना र संस्थागत आइसोलेसनमा २ उपचाररत छन् । यसै पछिल्लो २४ घण्टामा जिल्लामा कोरोनामुक्त हुनेको संख्या शून्य रहेको छ ।
