हेटौँडाः मकवानपुरको मनहरी गाउँपालिका–७, मनहरी बजारमा एक जना पुरुष मृत फेला परेका छन् । मृत फेला पर्नेमा राक्सिराङ गाउँपालिका–२, निङराङका ५१ वर्षीय डिल बहादुर थिङ रहेको बागमती प्रदेश प्रहरी कार्यालय हेटौँडाले जानकारी दिएको छ ।
आइतबार बिहान ७ बजेर ३० मिनेटको समयमा थिङ शिव मन्दिरको भजनकीर्तन गर्ने कोठाभित्र सुतिरहेको अवस्थामा मृत फेला परेका थिए । मुचुल्का पश्चात शव पोष्टमार्टमका लागि जिल्ला अस्पताल हेटौँडा पठाइएको प्रहरीले जानकारी दिएको छ ।
