हेटौंडाः मकवानपुर प्रदेश सभा सदस्य निर्वाचन क्षेत्र नम्बर २ मा एकालाल श्रेष्ठले अग्रता लिएका छन् । २० हजार ५ सय ३३ मत गणना गर्दा नेकपा एमालेका उम्मेदवार एकालाल श्रेष्ठ ६ हजार ३ सय ९६ मतसहित अगाडी आएका हुन् ।
यसअघि अगाडी रहेका राप्रपाका गुन्जन बहादुर न्यौपाने दोस्रो स्थानमा रहेका छन् । उनले हालसम्मको मत गणनामा ६ हजार ९१ मत प्राप्त गरेका छन् । यस्तै, गठबन्धनका साझा उम्मेदवार नेपाली काँग्रेसका आनन्दराम पराजुली ५ हजार ५ सय ३९ मतसहित तेस्रो स्थानमा रहेका छन् । हालसम्मको मतगणनामा ७ सय २१ मत बदर भएको छ । मत गणना कार्य जारी रहेको छ ।
