हेटौंडाः मकवानपुरमा कोरोना संक्रमण नियन्त्रण तथा व्यवस्थापनको लागि गत बैशाख २० गतेदेखी लागु गरिएको निषेधाज्ञा हालसम्म पनि जारी छ । निषेधाज्ञालाई कार्यान्वयन गराउने क्रममा मकवानपुर प्रहरीले शुक्रबार २८ वटा सवारी साधनलाई नियन्त्रणमा लिएको छ ।
निशेधाज्ञा उल्लङ्घन गरिएको भन्दै प्रहरीले मकवानपुर जिल्लाको बिभिन्न स्थानमा राखेको चेकप्वाईन्टबाट मोटरसाइकल, स्कुटर, अटो, सानो गाडी गरी २८ वटा सवारीलाई नियन्त्रणमा लिइएको जनाएको छ ।
यस्तै निषेधाज्ञा उल्लङ्घन गर्ने एक जना मनिसलाई नियन्त्रणमा लिईएको प्रहरी प्रवक्ता प्रहरी नायब उपरिक्षक जयश्वर रिमालले जानकारी दिनुभयो ।
