हेटौंडाः वडास्तरीय भलिबल प्रतियोगिताअन्तर्गत पुरुषतर्फ सञ्जीवनी बचत तथा ऋण सहकारी संस्था लिमिटेड र महिलातर्फ हेटौंडा सिटी इन्टरनेशनल कलेजले उपाधि हात पारेको छ । सञ्जीवनी बचत तथा ऋण सहकारी संस्था लिमिटेडको सहयोग तथा पिप्ले युवा क्लबको आयोजनामा भएको प्रतियोगिताको फाइनलमा सञ्जीवनीले जिएस बोर्डिङलाई हराएको हो ।
महिलातर्फ हेटौंडा सिटि इन्टरनेशनल कलेजले सञ्जीवनीलाई २५—१७, २५—२२ र २५—१५ को सेटमा पराजित गर्दै उपाधी हात पारेको हो । शुक्रबार र शनिबार भएको प्रतियोगितामा पुरुषतर्फ ८ र महिलातर्फ ४ टिम सहभागी रहेको थियो । विजेताले समान ८—८ हजार रुपैयाँ प्राप्त गरेका छन् । त्यस्तै उपविजेता टिमले ५—५ हजार रुपैयाँ प्राप्त गरेका छन् ।
