हेटौँडा ः जेसीआई हेटौँडा वर्ष २०२५ का लागि पंकज दास बनियाँको प्यानल नै विजयी भएको छ । शनिबार सम्पन्न निर्वाचनबाट अध्यक्षमा ९२ मतसहित बनियाँ निर्वाचित हुनुहुँदा ८८ मतसहित विवेक आनन्द न्यौपाने पराजित हुनुभयो ।
कार्यकारिणी उपाध्यक्षमा बनियाँ प्यानलकै सन्तोष पराजुली (१०२ मत) र विश्वप्रसाद गौतम (१०१ मत) विजयी हुँदै गर्दा न्यौपाने प्यानलका सुदीप तिमल्सिना (८५ मत) र गंगाप्रसाद पौडेल (७० मत) पराजित हुनुभयो । उपाध्यक्षमा किरण आले (१६६ मत), विवेक फूँयाल (१४८ मत), प्रविण श्रेष्ठ (१२८ मत) र कुशल रिजाल (११३ मत) निर्वाचित हुनुभएको छ । उपाध्यक्षका आकांक्षी शिशिर पराजुली (८२ मत) र विराज गौतम (७८ मत) पराजित हुनुभयो ।
जेसीआई हेटौँडाका एक सय ९९ सदस्य मध्ये शनिबार सम्पन्न निर्वाचनमा एक सय ८० जनाले मतदान गरेका थिए । एक वर्षे कार्यकाल रहने जेसीजमा अध्यक्षले महासचिव, कोषाध्यक्ष, कानुनी सल्लाहकारसहित विभिन्न पदमा मनोनित गर्नेछ । ४० वर्ष भन्दा कम उमेरका युवाको नेतृत्व र व्यक्तित्व विकास गर्ने जेसीज अन्तर्राष्ट्रिय संस्थाको रुपमा स्थापित छ ।
