हेटौँडा : हेटौँडामा साना तथा लघु उद्यमीहरुलाई ई–कमर्स सम्बन्धी दुई दिने तालिम सुरु भएको छ । उद्योग, वाणिज्य तथा उपभोक्ता हित संरक्षण निर्देशनालय बागमती प्रदेशको आयोजनामा दुई दिने तालिम सुरु भएको हो ।
हेटौँडा–२ स्थित होटल एभोकाडोमा सुरु भएको तालिममा बागमती प्रदेशका ७ जिल्लाका ४८ जनाको सहभागिता रहेको छ । तालिममा प्रशिक्षक सौरभ चालिसे र पियुसलाल श्रेष्ठले सहजीकरण गरिरहनुभएको छ । बिहीबारसम्म आयोजना हुने तालिम उद्योग, वाणिज्य तथा उपभोक्ता हित संरक्षण निर्देशनालयका निर्देशक पुस्करचन्द्र घिमिरेको अध्यक्षता तथा बागमती प्रदेशका उद्योग, वाणिज्य, भूमि तथा प्रशासन मन्त्री शुकमाया तामाङको प्रमुख आतिथ्यमा भएको थियो ।
