हेटौंडाः मकवानपुर जिल्लाको मकवानपुरगढी गाउँपालिका–२, गैरीभञ्ज्याङमा ट्रिपर दुर्घटना भएको छ । मकवानपुरगढी गाउँपालिकाको सुकौरामा रहेको शिवम् सिमेन्ट उद्योगको खानीबाट ढुंगा लिएर आएको बा २ क ६६६२ नम्बरको ट्रिपर आज बिहिबार दिउँसो साढे १२ बजेको समयमा दुर्घटना भएको हो ।
ट्रिपरमा सवार चालकसहित ३ जना मध्ये एकजना घाइते भएको र घाइतेलाई उपचारका लागि हेटौंडा अस्पताल पठाइएको स्थानीय शिक्षक विक्रम चौरेलले जानकारी दिनुभयो ।
