हेटौंडाः सिराहामा जारी छैठौं संस्करणको गोलबजार मेयर गोल्डकप फुटबल प्रतियोगिताको उपाधिका लागि मकवानपुर–११ ले आज सोमबार सिराहाको सलहेस युवा क्लबसँग खेल्दैछ । खेल दिउँसो ४ बजे सुरु हुनेछ ।
मकवानपुर–११ ले वीरगन्ज युनाइटेडलाई पराजित गर्दैै प्रतियोगिताको फाइनल प्रवेश गरेको थियो भने गुरुधाम फुटबल क्लबलाई पराजित गर्दै सलहेस फाइनल प्रवेश गरेको थियो । मकवानपुर–११ आज उपाधी हात पार्ने योजनासहित मैदान उत्रने क्लबका प्रशिक्षक विजयलाल श्रेष्ठले बताउनुभयो । आजको खेलमा खेलाडीहरु यसअघिकैै यथावत रहने उहाँले बताउनुभयो । प्रतियोगिताको विजेता टिमले उपाधिसहित नगद २ लाख ५१ हजार रुपैयाँ प्राप्त गर्नेछ भने उपविजेता टिमले १ लाख ५१ हजार रुपैयाँ प्राप्त गर्नेछ ।
