हेटौंडाः मकवानपुरको बागमती गाउँपालिकामा मलामी गएर फर्केको अटो दुर्घटना हुँदा एक जनाको मृत्यु भएको छ । दुर्घटनामा मृत्यु हुनेमा बागमती–८ का रामबहादुर गोले रहेका जिल्ला प्रहरी कार्यालय मकवानपुरले जनाएको छ ।
अटोमा सवार तीन जना घाइते भएका छन् । दुर्घटनामा अटो चालक बागमती–८ सिंहबहादुर योन्जन, अटोमा सवार वीरबहादुर थोकर र लक्ष्मण राई घाइते भएका छन् । धरान चतरा सडकखण्ड अन्तर्गत बागमती गाउँपालिका वडा नम्बर–५ कोइलादमार चोक नजिक गएराति मलामी गएर फर्केको ना १ ह ५८५५ नम्बरको अटो रोकिराखेको बागमती प्रदेश ०३–००१ क ४१३ नम्बरको ट्रकमा ठोक्किएर दुर्घटना भएको थियो । घाइतेहरुको हेटौंडा–११ चुरेहिल अस्पतालमा उपचार भइहेको छ ।
