हेटौंडाः मकवानपुर प्रहरीले एक सय २० किलोग्राम लागुऔषध गाँजा फेला पारेको छ । शुक्रबार राति १० बजेको समयमा राक्सिराङ गाउँपालिका–५ पेन्चे डाँडाको जंगलबाट अवैधरुपमा ओसार पसार भईरहेको भन्ने सूचनाको आधारमा ईलाका प्रहरी कार्यालय मनहरीबाट खटिएको प्रहरी टोलीले लागुऔषध गाँजा फेला पारेको हो ।
प्रहरीले जंगलमा अपरिचित व्यक्तिहरुले लुकाई राखेको गाँजाको ६ वटा प्लास्टिकको बोरा फेला पारेको हो । गाँजालाई नियन्त्रणमा लिई अनुसन्धान भई रहेको जिल्ला प्रहरी कार्यालय मकवानपुरले जनाएको छ ।
