हेटौंडाः हेटौंडा–४ मा नेकपा एमालेको प्यानलै विजयी भएको छ । नेकपा एमालेका उम्मेदवार नवीन सिग्देल दोस्रो कार्यकालका लागि अध्यक्षमा निर्वाचित भएका हुन् । सिग्देलले दोस्रो पटक नेपाली कांग्रेसका उम्मेदवार हरि पौडेललाई पराजित गरेका हुन् ।
बिहीबार सम्पन्न मतपरिणामअनुसार नवीन सिग्देल २ हजार १ सय १२ मतसहित विजयी हुँदा सत्ता गठबन्धनका उम्मेदवार हरि पौडेलले २ हजार २३ मत पाए । २०७४ सालको स्थानीय तह निर्वाचनमा पनि हरि पौडेल निकटमत् प्रतिस्पर्धीको रुपमा रहेका थिए । वडा सदस्यमा नेकपा एमालेकै गीता त्रिपाठी, विष्णुमाया घलान देउला, जगन्नाथ पाण्डे र जनरल श्रेष्ठ निर्वाचित भएका छन् ।
