हेटौंडाः पैसाको हारजित हुनेगरी जुवा खेलिरहेका ६ जनालाई प्रहरीले पक्राउ गरेको छ । हेटौंडा–१५ स्थित दीपक श्रेष्ठको घरमा जुवा खेलिरहेको सूचनाका आधारमा जिल्ला प्रहरी कार्यालय मकवानपुरको टोलीले बुधबार बेलुका उनीहरुलाई पक्राउ गरेको हो ।
जुवा खेलिरहेको ठाउँबाट प्रहरीले एक लाख ३२ हजार ३ सय ९० रुपैयाँसहित १५ वटा कौडा र ६ बुक तास बरामद गरेको जिल्ला प्रहरी कार्यालय मकवानपुरका निमित्त प्रवक्ता प्रहरी निरीक्षक देवेन्द्र दासले जानकारी दिनुभयो ।
पक्राउ पर्नेमा मकवानपुरको थाहा नगरपालिका–६ बस्ने २१ वर्षीय डेनी भट्ट, हेटौंडा–१६ बस्ने ६० वर्षीय ईवनाथ दंगाल, हेटौंडा–१५ बस्ने ३५ वर्षीय आलोक स्याङ्तान र ६७ वर्षीय रामशरण थापा, मनहरी गाउँपालिका–६ बस्ने ४४ वर्षीय बासु उप्रेती र चितवन भरतपुर–१० बस्ने ३८ वर्षीय चुडामणि सेढाई रहेका छन् । उनीहरुबारे थप अनुसन्धान भइरहेको प्रहरीले जनाएको छ ।
