हेटौंडाः युवा व्यवसायी प्रतिमा श्रेष्ठले हेटौंडा–३, लेवटस्थित बालउज्ज्वल माविका विद्यार्थीलाई सितोरियो कराते खेलको पोशाक सहयोग गर्नुभएको छ । बुधबार विद्यालयमै पुगेर १७ जना छात्रालाई पोशाक वितरण गर्नुभएको हो ।
भूमि सम्बन्धी समस्या समाधान आयोग मकवानपुरकी सदस्य श्रेष्ठले यसअघि मंगलबार मामाघर नेपाललाई पनि ५ हजार रुपैयाँ सहयोग गर्नुभएको थियो । आयोगको सदस्य भएर पहिलो महिनाको तलब सुविधा प्राप्त भएपछि श्रेष्ठले मामाघर नेपाल र विद्यालयमा सहयोग गर्नुभएको हो । जेसीआई हेटौंडा लेडीकी अध्यक्ष प्रतिमा श्रेष्ठ कुखुरा व्यवसायी हुनुहुन्छ । मकवानपुर उद्योग वाणिज्य संघको कार्यसमिति सदस्य समेत रहनुभएकी श्रेष्ठ कुखुरा व्यवसायी संघको निवर्तमान वरिष्ठ उपाध्यक्ष हुनुहुन्छ
