हेटौंडाः ईन्द्रसरोवर गाउँपालिकाले कृषि उपकरणअन्तर्गत ६ वटा ट्रयाक्टर हस्तान्तरण गरेको छ । प्रति ट्रयाक्टर करिब ७० हजारमा खरिद गरी गाउँपालिकाले किसानहरुलाई ४ लाख रुपैयाँको ट्रयाक्टर वितरण गरेको हो ।
ईन्द्रसरोवर गाउँपालिकाका ५ वटा वडामध्ये हाल २ नम्बर र ३ नम्बर वडाका किसानलाई ट्रयाक्टर वितरण गरिएको गाउँपालिका अध्यक्ष जीवन लामाले जानकारी दिनुभयो । कृषिलाई आधुनिकीकरण गर्दै किसानलाई प्रविधियुक्त बनाउने उद्देश्यले ट्रयाक्टर वितरण गरिएको अध्यक्ष लामाले बताउनुभयो । गाउँपालिकाको अन्य वडाले भने अन्य कार्यक्रम माग गरेको उहाँले जानकारी दिनुभयो ।
