हेटौंडाः थाहा कला केन्द्र मकवानपुरको आयोजना तथा सिआन पुनस्र्थापना केन्द्रको सहआयोजनामा सिआन मकवानपुर कलाकारिता अवार्ड तथा पत्रकार, सर्जक सम्मान कार्यक्रम हुने भएको छ ।
शनिबार हेटौंडामा पत्रकार सम्मेलन गरेर कला केन्द्रको स्थापना दिवसको अवसरमा कार्यक्रम आयोजना गर्न लागेको सिआनका सचिव अनिल अधिकारीले जानकारी दिनुभयो । कोभिड–१९ का कारण स्थगित भएको अवार्ड कार्यक्रम आउँदो जेठ ९ गते गर्ने गरी तयारी सुरु गरिएको उहाँले बताउनुभयो ।
कलाकारिताको विकासमा निरन्तर लागिरहेको थाहा काला केन्द्रले मकवानपुर जिल्लाभर रहेका कलाकारहरुलाई प्रोत्साहन गर्ने उद्देश्यले अवार्ड कार्यक्रमको आयोजना गरेको कला केन्द्रका अध्यक्ष सानोबाबु मोक्तानले बताउनुभयो । उहाँले ३१ विधामा अवार्ड र ११ जना पत्रकारलाई सम्मान गर्न लागेको समेत जानकारी दिनुभयो । थाहा नगरपालिकाको पालुङमा अवार्ड वितरण कार्यक्रम हुनेछ । ११ लाख रुपैयाँ लागत अनुमान गरिएको छ ।
