हेटौंडाः रेडियो थाहा सञ्चारले वार्षिकोत्सवको अवसरमा आयोजना गरेको रक्तदान कार्यक्रममा ८३ जनाले रक्तदान गरेका छन् । रेडियोका १३ औं वार्षिकोत्सवको अवसरमा आज हेटौंडाको बुद्धचोकमा रक्तदान कार्यक्रम भएको हो ।
रक्तदान कार्यक्रममा रक्तसञ्चार केन्द्र हेटौंडाको प्राविधिक सहयोग रहेको थियो । रेडियो थाहा सञ्चारले वार्षिकोत्सवको अवसरमा विविध कार्यक्रमको आयोजना गरेको छ । यही बिहीबार र शुक्रबार पनि हेटौंडाको बुद्धचोकमै रक्तदान कार्यक्रम हुँदैछ । बिहीबार मिलन केन्द्रले तथा शुक्रबार अनेरास्ववियुले रक्तदान कार्यक्रम आयोजना गर्ने रक्तसञ्चार केन्द्र हेटौंडाका प्रमुख टंक दाहालले जानकारी दिनुभएको छ ।
