हेटौंडाः ७६ वर्षीया वृद्वालाई जबरजस्ती करणी गरेको अभियोगमा जिल्ला प्रहरी कार्यालय बाराले एकजनालाई पक्राउ गरेको छ । वृद्धामाथि करणीको अभियोगमा बारा जिल्लाको कोल्हवी नगरपालिका–८ बस्ने ३९ वर्षीय दल बहादुर लामालाई पक्राउ गरेको बारा प्रहरीले जनाएको छ ।
आइतबार बिहान ९ बजेर ४५ मिनेटको समयमा वृद्धालाई मकैबारीमा लागि जबरजस्ती करणी गरेको प्रहरीले जनाएको छ । प्रहरीले लामालाई पक्राउ गरी जबरजस्ती करणी मुद्दामा बारा जिल्ला अदालतबाट ५ दिनको म्याद अनुमति लिई हिरासतमा राखी थप अनुसन्धान भइरहेको जिल्ला प्रहरी कार्यालय बाराका प्रहरी नायव उपरीक्षक गौतम मिश्रले जानकारी दिनुभएको छ ।
