हेटौंडाः पृथ्वीनारायण शाहको २ सय ९९ औं जन्मजयन्तीमा सोमबार हेटौंडाको बुद्धचोकमा दीप प्रज्वलन गरिएको छ । राष्ट्रिय प्रजातान्त्रिक गठबन्धन मकवानपुरको अयोजनामा दीप प्रज्वलन गरिएको हो । गठबन्धन मकवानपुरका अध्यक्ष राजेश मानन्धरको सभाध्यक्षतामा भएको दीप प्रज्वलनमा केन्द्रिय सदस्य केशरी महतोको प्रमुख आतिथ्य रहेको थियो ।
दीप प्रज्वलन कार्यक्रममा सर्वसाधारणहरुको पनि उपस्थिति रहेको थियो । लोकतन्त्रपछि सरकारले औपचारिक रुपमा पृथ्वी जयन्ती मनाउन छाडे पनि अनौपचारिक रुपमा विभिन्न कार्यक्रम हुने गरेका छन् । काठमाडौं, गोरखा, नुवाकोटलगायतका देशका विभिन्न ठाउँमा पृथ्वी जयन्तीको कार्यक्रम आयोजना गरिएको थियो ।
