हेटौंडाः मकवानपुरमा आज एकैदिन १२९ जना कोरोना भाइरस सङ्क्रमणमुक्त भएका छन् ।
१३२ जनाको परीक्षण गरिएकोमा ३ जनाको मात्रै पुनः सङ्क्रमण देखिएको हेटौंडा उपमहानगरपालिकाका आयुर्वेद तथा जनस्वास्थ्य प्रवद्र्धन शाखाका जनस्वास्थ्य निरीक्षक भोलाप्रसाद चौलागाईले जानकारी दिनुभएको छ । यस्तै आज ४६ जनाको स्वाब सङ्कलन गरिएकोमा ३३ जनाको नयाँ र १३ जना सङ्क्रमितको स्वाब रहेको चौलागाईले जानकारी दिनुभएको छ ।
